Leoteca - Parte de Smartick

< Volver

Antso Lizarra

Autor: Kruz Igerabide Juan

Jakue Bidean barrena, gaztetxo talde bat, bi irakaslerekin. Antso Lizarra zaldun tenplarioaren istorioa entzuten dute, irakasleetako batek kontaturik. Eunateko eliza txiki biribilean, gertaera txundigarri bat biziko dute, eta beste denbora batekin harreman zuzenean jarriko ditu gertaera horrek. Jakue Bideak elkartuko ditu elkarrengandik urrun dauden denborak, espazioak eta pertsonaiak. Antso Lizarra, Lizarratar leinuaren azken kimua, tenplarioen zerbitzari bizitza osoan ibili ondoren, erromes misteriotsu bihurtu zen. Eta haren egintzak Jakue Bidean entzun ziren, jendearen ahotan edo trobalariek esanik beharbada. Tenplarioak eta Lizarratarrak aldi berean galdu ziren mundu honetatik, eta elezahar bihurtu. Elezahar hori entzunez, gaztetxoek Jakue Bidean beren kezkak eta ametsak hustuko dituzte aldi berean. Nolabait ere beste denbora batekin uztarturik, Antso Lizarraren munduan barneratuko dira.