Leoteca - Parte de Smartick

Neste caderno facemos todo isto: aprendemos moitos xogos que se poden facer malia que non teñamos xoguetes, traballamos co número 4 e progresamos no seu trazado, e mais tamén reforzamos o trazado do 1, do 2 e do 3; facemos a liña ondulada, vemos cál é a cor azul, tanto a clara coma a escura, traballamos coa letra "a" e co concepto diante-detrás; desenvolvemos a motricidade manual, a imaxinación e a técnica de recortar coa tesoira.

Como cada vez que a avoa queda na casa, Bruno ten que durmir na habitación do faiado, pero non lle importa. Ademais, ese día fora o seu aniversaro e recibira de familiares e do seu amigo Dimitar, auténtico inventor de enigmáticos xogos, moitos agasallos, entre os que descubriu un libro cun título moi atractivo: O Manto de Estrelas. Coa súa axuda descobre o Universo e crea nel a afección que o converterá nun astrónomo e astronauta de moito prestixio.

Estamos no ano 50 antes de Cristo. Toda a Galia está ocupada polos romanos… Toda? Non! Unha aldea poboada por irredutibles galos aínda segue resistindo ao invasor. Ideafix ama a libertade, e por iso Obélix e Astérix pérdeno de vista de vez en cando. Divírtete buscándoo a el e a outros moitos personaxes nas 12 escenas deste álbum. Pero, atención!, sempre hai un que non aparece. Acepta o desafío que che propoñemos e gañarás, conforme pasas as páxinas, os ósos de ouro destinados ao campeón. Boa sorte!

Sen pretendelo, Álvaro acaba sendo o único amigo dun vello misterioso ao que os veciños do lugar alcuman Cacaborro e ao que sempre culpan de todas as desgrazas. Álvaro vai superando os receos que lle inspira ese estraño home e, nas sucesivas visitas á casa prohibida, sempre realizadas ás agachadas, coñece e comparte historias e mundos marabillosos, aínda que tamén escenas arrepieantes.

Graciela, Paula, Fabián e Fede foxen da clase de Xeografía e agóchanse no soto da escola. Un bo plan se non fosen sorprendidos por Miriam, a acusona da clase. Así comeza a serie Caídos do mapa, que narrará as aventuras destes catro amigos no seu paso do colexio ao instituto. A serie Caídos do mapa vén precedida dun enorme éxito na Arxentina, onde se vén de estrear unha película baseada neste primeiro título.