Leoteca - Parte de Smartick

Leoteca - parte de Smartick Leoteca - parte de Smartick Regístrate gratis
< Volver

Resultados de tu búsqueda: más de 1000 libros

A bisavoa non ve ben, non lembra nada, non recoñece a ninguén. Pero polo menos sabe que eu son eu. A nova colección “Paseniño” de Xerais, destinada aos primeiros lectores, ten como obxectivo que os nenos e as nenas melloren o proceso de aprendizaxe da lectura, que adquiran o hábito lector e que, ademais, se divirtan cos libros. Para isto, os contos combinan un dobre nivel de lectura, textual e gráfico, que permite ao novo director adquirir autonomía a través do texto e das ilustracións. Os textos son breves, xeralmente dunha soa frase en cada páxina, e preséntanse dobremente, en letra manuscrita e en maiúscula, de xeito que os nenos e nenas poden optar pola modalidade na que empezaron a adquirir o proceso lector. As páxinas impares teñen unha ilsutración a toda cor, e nas páxinas pares, ademais do texto, hai tamén un debuxo que cobra animación se pasamos as páxinas de corrido. A calidade gráfica e literaria está garantida. Colaboraron nesta colección destacados ilustradores e escritores como Agustín Fernández Paz, Fina Casalderrey, Xan López Domínguez, Marina Seoane, Mariasun Landa, Vicente Muñoz Puelles, Gabriel Janer Manila, entre unha longa nómina.

Eu son eu

Casalderrey, Fina

24Ver
6+

“Crónicas marcianas” de Ray Bradbury é unha colección de relatos que constitúe a crónica dos primeiros intentos dos habitantes da Terra, desde 1999 a 2026, para colonizar o planeta Marte, un deserto de area azul, con ruínas de cidades xadrezadas e ocasos amarelos. Os colonos, que viaxan en foguetes prateados, soñan con reproducir no Planeta Vermello a súa forma de vida convencional, pero levarán na súa equipaxe as súas enfermidades, que dezmarán aos marcianos, e amosarán moi pouco respecto por unha cultura planetaria, misteriosa e fascinante, que estes intentarán protexer da voracidade dos terrícolas. Historias aparentemente sinxelas que serven de excusa para que Ray Bradbury, un dos mestres da ciencia ficción do século XX, se mergulle nos misterios da alma humana e desenvolva unha das proezas máis apaixonantes da humanidade.

Crónicas marcianas

Bradbury, Ray

312Ver
14+

Tres pasos polo misterio recolle tres relatos nos que a presenza do misterio ocupa un lugar central. En cada un deles unha persoa narra un suceso inquedante e inexplicable que acabou por mudar de xeito profundo a súa vida. O arqueólogo de “A serpe de pedra” conta os terribles acontecementos acaecidos nun museo de Lugo provocados pola maldición agochada durante miles de anos baixo un monumento megalítico. O xove peregrino de “A vella foto das estrelas” relata como debido a un encontro marabilloso acaecido no Camiño de Santiago tocou o misterio da presenza terrible e marabillosa que vén coa noite chea de estrelas. O historiador de “As sombras do faro” rememora, trinta anos despois, os estraños e desacougantes sucesos, tan claros na súa memoria, da enigmática torre de Pontebranca, un faro derruído, onde se viviron experiencias terribles. Un libro que guía os nosos pasos polos camiños do misterio, da intriga e do terror.

Tres pasos polo misterio

Fernández Paz, Agustín

216Ver
14+

Oito contos de nadal reunidos nun volume singular, de grande formato e encadernación acortonada, que constitúe un feito único na edición en lingua galega. A recuperación do clasicismo narrativo do conto emotivo, que frecuentara Emilia Pardo Bazán, transformado por Manuel Rivas en neons de emoción, reinventadas visualmante por Miguelanxo Prado. O diálogo expansivo entre estas dúas miradas sensibles converten a este libro nunha buguina de esperanza. Oito historias acontecidas nos días de nadal, imaxes dunha realidade luxada pola incerteza do noso tempo e transformadas pola alquimia da memoria. “O namorado de María” ou a peripecia dos tres Magos que queren inventar a verdade a bordo dun coupé packard, circulando por un país condenado á insuficiencia respiratoria. “Madonna” ou a crónica emocionante dunha rapaza de cuarto de ESO, magoada polo mal das vacas tolas que afecta a unha das vacas da súa granxa o día de Noiteboa. “O partido de Reis” ou a proeza de Félix, ese mozo con síndrome de Down, que consegue pasar a raia estremecendo aos seus compañeiros de equipo que desputan un encontro cos das Casas Baratas. “O amor das sombras” ou o camiño que percorre na Noiteboa, acompañado do seu can, o vello solitario na procura da namorada da súa memoria. “A barra de pan” ou a sorprendente narración de como o Chanel comeu unha alma, transformada en barra de pan naqueles tempos da fame e da cartilla de racionamento. “O carteiro de Papá Noel” ou a experiencia de quen traballou ao servizo duns grandes almacéns e comprobou abraiado que naquela noite había moita felicidade que repartir. “Okay” ou a traxedia do naufraxio na Noiteboa do Begonia, o mellor buque do Gran Sole, provocado por un maldito golpe de mar. “A chegada de Ingrid” ou o recordo do regreso de Alemaña dun dos compoñentes daquel curioso Dúo Dinámico, que trouxo na maleta Ingrid, a moneca que falaba da súa soidade e expresaba o desexo de ser amado.

Contos de Nadal

Rivas, Manuel

128Ver
14+

Pola mañanciña dun día de verán de moito abafo estaba o galo Quirico e mais un rebaño de galiñas peteirando á sombra dun carballo. Nestas viron vir cara eles un raposo. O galo en seguidiña deu a voz de alarma e as galiñas voaron poñéndose a salvo nas pólas do carballo. O raposo intentou enganalos dicindo que agora había unha lei que dicía que tódolos animais tiñan que ser amigos pero o galo, que é moi listo, non lle fixo caso.

O galo avisado e o raposo trampulleiro

Reigosa, Antonio

32Ver
6+
6+
6+

“Son koblai, da tribo de Zalb. Son iraquí e musulmán. Son árabe. Son Khaled ben Sayiam, cidadán do mundo. " ” Irmán do vento, a novela de M. Lourenzo González, gañadora do Premio Merlín 2003, é a historia de Khaled, un rapaz dunha apartada aldea do Iraq que, coma outro rapaz calquera, ten unha familia, ten amigos, unha casa, unha vida, ten un amor, ten proxectos. Ata que, de repente, a guerra. Irmán do vento é a crónica da destrución inexorábel de todo canto Khaled é e de canto soña ser. Irmán do vento é tamén a narración emocionante da loita contra ese destino imposto e pola recuperación da dignidade e da esperanza. “Irmán do vento” é, pois, unha novela de aventuras, na que empregando dous narradores, un que introduce a acción e outro que é o protagonista, conta o que lle acontece a Khaled, un rapaz iraquí no medio da recente guerra. A acción transcorre, pois, en dous tempos; no primeiro un dos narradores dá conta de como o protagonista da historia entra na súa vida, e tempo despois se reencontra con el, para darlle a súa voz e relatar as condicións de vida do seu pobo en tempos de guerra. A novela reflicte cómo a infancia, o. sector máis inocente da sociedade, vive un conflicto bélico e sofre as súas consecuencias máis duras, sen ser consciente das causas nin das circunstancias nas que se desenvolve.

Irmán do vento

Lourenzo González, Manuel

208Ver
14+

A aparición dunha bolboreta no patio de xogos dunha Escola Infantil serve para que nenos e nenas, axudados pola profesora, organicen unhas actividades coas que coñecerán todo sobre estes sorprendentes e fermosos insectos. Este conto forma parte dun proxecto de investigación levado á práctica pola mestra e as alumnas e alumnos de Educación Infantil da Escola de Vilaza. Narra o proceso da súa investigación e obtivo o Premio á Innovación Educativa sobre o tema transversal da educación ambiental.

A bolboreta Doreta

Santamaría Hervella,...

32Ver
3+
3+

A partir de 3 anos Mimi estaba desexando que nacera o seu irmanciño... pero, oh!... non sabía facer nada. Este conto vai especialmente dirixido a nenas e nenos que teñen irmáns con graves discapacidades. Notas para pais, nais e educadores O nacemento dunha filla ou fillo con discapacidade nunha familia é un acontecemento que ten repercusións importantes sobre todas e cada unha das persoas que forman esa familia: pai, nai, irmáns, avós... Mimi é un conto dirixido a nenos e nenas pequenas que teñen ou acaban de ter un irmán ou irmá con graves discapacidades. Intenta ilustrar a situación do seu nacemento desde a mirada do irmán. Con debuxos sinxelos pretende animalos a expresar o que poden sentir e vivir nesta difícil situación familiar: desconcerto, malestar, vergoña e rabia son algúns dos sentimentos que adoitan expresar as nenas e nenos de pouca idade cando falan da súa convivencia cun irmán ou irmá con graves discapacidades. Ofrece a pais e educadores un recurso para estimular ao neno a falar do seu irmán, falar do que sente ou vive nesa situación e fomentar a comunicación aberta sobre a discapacidade da irmá ou irmán. Aprender desde unha idade moi temperá a falar en familia de forma sinxela e aberta sobre un tema difícil, expresar e compartir sentimentos, se ben non resolve o problema, seguramente faino máis levadeiro. Tamén pretende transmitir unha visión positiva da discapacidade: lonxe de ser un impedimento, a discapacidade pode enriquecer as relacións e vivencias entre irmáns, tan fundamentais no crecemento e desenvolvemento de toda persoa.

Mimi e a xirafa azul

de Visscher, Cécile

50Ver
3+
3+

Cucho, Coco e o dilema do 6, de Tino Antelo, foi a obra gañadora do I Premio Internacional Barriga Verde de textos para teatro de monicreques (2003, modalidade infantil). Cucho e Coco, dous amigos e compañeiros do cole, procuran coa axuda dos maiores resolver o difícil dilema do 6 que se lles presenta no seu último encontro. O seu empeño e enxeño vailles servir para encontrar a solución ao problema, ao tempo que lles proporciona un saboroso final.

Cucho, Coco e o dilema do 6

Antelo, Tino

38Ver
6+

Os Contos educativos de Marcos e María ensinan hábitos, condutas e valores, como por exemplo ordenar os xoguetes, vestirse só, a amizade ou o compañeirismo, e potencian a imaxinación e a creatividade da nena e do neno. Os contos están pensados para axudar a nais, pais e profesorado a establecer condutas de socialización e hábitos de autonomía en nenos e nenas de 2 a 7 anos. Pensados pedagoxicamente, abren portas creativas a todos eles. O fío condutor dos contos son Marcos e María, irmáns de 3 e 1 ano e medio, que nos presentan e despiden as historias, sempre positivas e relaxantes. En cada libro encontraredes, ademais do conto, tres actividades para facer con neno ou nena, unha canción, unha actividade en inglés e unha extra, como por exemplo, un recortable. Por outra parte, cada libro contén unha explicación específica para poder tirar máis proveito do conto. Un conto ten moitas vidas, así que vos invitamos a gozalas todas. Para rematar, desexamos que esta colección sexa unha ferramenta máis para axudarvos na tarefa diaria de educar e á vez pasalo ben cos pequenos e pequenas. Este proxecto recibe o asesoramento da Unidade de Psicoloxía infantil da UAB (Universitat Autónoma de Barcelona), e foi motivo dun traballo de campo con máis de 500 nenas e nenos, aos que dedicamos estes contos.

Os Xoguetes Ordenados

Canals, Mireia

No disponibleVer
3+

Os Contos educativos de Marcos e María ensinan hábitos, condutas e valores, como por exemplo ordenar os xoguetes, vestirse só, a amizade ou o compañeirismo, e potencian a imaxinación e a creatividade da nena e do neno. Os contos están pensados para axudar a nais, pais e profesorado a establecer condutas de socialización e hábitos de autonomía en nenos e nenas de 2 a 7 anos. Pensados pedagoxicamente, abren portas creativas a todos eles. O fío condutor dos contos son Marcos e María, irmáns de 3 e 1 ano e medio, que nos presentan e despiden as historias, sempre positivas e relaxantes. En cada libro encontraredes, ademais do conto, tres actividades para facer con neno ou nena, unha canción, unha actividade en inglés e unha extra, como por exemplo, un recortable. Por outra parte, cada libro contén unha explicación específica para poder tirar máis proveito do conto. Un conto ten moitas vidas, así que vos invitamos a gozalas todas. Para rematar, desexamos que esta colección sexa unha ferramenta máis para axudarvos na tarefa diaria de educar e á vez pasalo ben cos pequenos e pequenas. Este proxecto recibe o asesoramento da Unidade de Psicoloxía infantil da UAB (Universitat Autónoma de Barcelona), e foi motivo dun traballo de campo con máis de 500 nenas e nenos, aos que dedicamos estes contos.

Comelo todo

Canals, Mireia

No disponibleVer
3+