Leoteca - Parte de Smartick

Leoteca - parte de Smartick Leoteca - parte de Smartick Regístrate gratis
< Volver

Resultados de tu búsqueda: 531 libros

Consiste nunha colección de vinte poemas nos que está presente o vento -ou os ventos-, que serven como enlace ou pretexto para ir percorrendo diferentes ambientes e mundos. As barcas, o mar, as ondas, os peixes e as gaivotas. O sol e as estrelas. Herbas falangueiras, follas das árbores que procuran o outono, flores e abellas. Ceos, nubes, reiseñores. A chuvia, as paxariñas de papel, o vello reloxo. Os nenos e as nenas. Eventos. Ventos falangueiros, mentireiros, irritados, bailadores; ventos de berce e de aloumiño, bicadores; ventos magos, trasnos namoradores; ventos sen ollos ou con gafas; ventos e ventiños, do sur e do norte; ventos a durmir, ventos trabalinguas eventos cantareiros, rebuldeiros; ventos de gaita e de festa, contadores de estrelas; ventos lacazáns, fungóns, peregrinantes, latriqueiros; ventos dos soños.

Ventos

García Teijeiro, Antonio

No disponibleVer
8+

A historia que se nos conta neste libro desenvólvese nunha Galicia mítica e comeza presentándonos ó reí Artús, que ten o seu fogar preto da lagoa de Antela. Anda sempre en batallas, polo que a raíña enferma de tristura. Como os médicos din que só a salvará " o amor máis grande do mundo " , deciden ter unha filla, á que lle poñen o nome de Lúa. Pero a raíña morre, e a princesa queda ó coidado da dama Rovena, unha muller da corte, viúva dun famoso guerreiro, e a quen as fadas da lagoa de Antela lle roubaran anos atrás o seu fillo Brandón. Kian, un bardo, dille un estraño enigma, no que se fala dunha lúa que liberará ó seu fillo Brandón. E dama Rovena vai educando á princesa cuns criterios " diferentes " ós tradicionais, fuxindo da formación que se lle adoitaba dar ás nenas. Cando Lúa cumpre os trece anos, tenta resolve-lo enigma do bardo Kian. Decátase de que ela é a " lúa " da que se fala no raro enigma, de maneira que terá que levar a cabo tódalas probas que nel se din, se quere liberar ó mozo Brandón, do que está secretamente namorada, incluso sen coñecelo. A princesa Lúa emprende a viaxe e vai pasando por numerosas aventuras, nas que ten que resolve-los máis difíciles atrancos. Pero a rapaza acaba por chegar á lagoa, vence-lo poder das fadas e destruí-lo maleficio que mantiña preso ó seu namorado, liberando así ó mozo Brandón, co que finalmente casa.

A princesa Lúa e o enigma de Kian

González Boullosa,...

104Ver
12+

Pitus é un neno catalán, membro dunha panda de nenos maiores ca el, os auténticos protagonistas deste relato de solidariedade e amizade. O caso é que Pitus enferma e precisa ir a Suecia para sandar, pero a súa familia non ten cartos para poder realiza-la viaxe nin paga-lo tratamento. Así que a panda toma a iniciativa de montar un zoo con animais para poderen sacar cartos para Pitus. Establecen relación co crego e cun zoólogo e inician un proxecto de construcción dun zoo con sección de propaganda, de caza, etc. Nestes labores transcorre a maior parte do conto, elaborando carteis, cazando ou conseguindo animais dos xeitos máis insospeitados: bolboretas, saltóns, coellos, un moucho, un burro e ata un cachorro de tigre. Hai un desfile e celébrase a inauguración, na que participan tamén uns pallasos que queren colaborar na causa. O final é feliz: Pitus consegue os cartos e sanda.

O zoo do Pitus

Sorribas i Roig, Sebastià

No disponibleVer
12+

Cando Benjamin cumpre dezaseis anos inicia a experiencia do seu quinto internado. Botárono dos catro centros anteriores. Benjamin, que padece unha parálise parcial no lado esquerdo do seu corpo, non é feliz con ter que deixar a súa familia e é moi escéptico sobre as posibilidades de mellorar as súas malas cualificacións. Todo mudará cando coñece a Janosch, ao seu carismático compañeiro de cuarto, e a toda a súa panda de amigos que o seguen por todas partes. Benjamin comezará, entón, a sentir que encaixa no seu novo grupo e compartirá con eles aventuras prohibidas: desde visitas ao cuarto das rapazas ou escapadas a clubes de strip-tease. Están aprendendo e tratando de interpretar a súa vida aos dezaseis anos. Nestas páxinas hai un mozo aprendendo o que son os amigos, as rapazas, e cómo atopar o mellor camiño nun mundo tolo sendo el mesmo un tolo. “Crazy” é, pois, unha novela en clave autobiográfica que narra a historia dun adolescente cunha minusvalía física que vive marcado polo fracaso escolar. “O maior logro desta novela é que está escrita por un rapaz de dezaseis anos e é absolutamente crible.” (“New York Times Book Review”). “A voz de Lebert é seductora dende a primeira páxina e as súas observacións tan enxeñosas como sinxelas fan deste libro unha impresionante primeira novela dun xove escritor con moito talento” (“Booklist”). “Crazy é unha novela fresca, chea de enerxía, despiadadamente consciente.” (“Der Spiegel”).

Crazy

Lebert, Benjamin

208Ver
12+

Martiño Pedreira é un home xa vello, que vive só nunha grande cidade. Posúe unhas " gafas de realidade " , que lle permiten ver todas aquelas causas fermosas que o resto das persoas, abafadas polas présas e polo egoísmo, non son quen de ver. Ten un can amigo, Can sen Dono, que vive nun sumidoiro da cidade. Un día, Martiño Pedreira decide que non necesita as gafas, os seus ollos xa se afixeron a ve-la realidade sen elas. Entón pensa en darllas a alguén que as necesite, e pon un anuncio no xornal, con resultado negativo. Daquela, el e máis Can sen Dono deciden sair na procura de alguén que necesite tan estrañas gafas. Pero cando están nesas, reciben a visita dun mago, Ernestiño, que lle entrega a Martiño unha estraña carta. A carta envíalla EI-Rei de Phedra e nela dille que pode axudalo a atopar un novo dono para as gafas, polo que lle prega que emprenda unha viaxe ata o seu reino. Nese mesmo momento ábrese no sumidoiro unha Porta de Ouro e, ó atravesala, Martiño e o Can sen Dono entran no reino de Breamdam. Esa porta -que marca, tamén na narración o paso ó mundo fantástico- lévaos a un reino moi distinto do mundo por eles habitado; alí atopan os máis estraños personaxes e comezan a verse implicados nos problemas dese novo país.

Ó outro lado do sumidoiro

Neira Cruz, Xosé A.

No disponibleVer
12+

É esta unha das máis precisas e preciosas novelas de terror que se teñen publicado. Apareceu por primeira vez o ano 1886, e relátano-los experimentos do Dr. Jekyll, home preocupado desde a mocidade pola dualidad e que a alma de cada ser humano contén, abalando sempre entre os principios do ben e o mal, e que el consegue " separar " en si mesmo por medio dunha pócima, dándolle así vía libre á súa parte maligna, presente nel, mais agachada, na segunda personalidade que pala beberaxe adquire, personalidade que de continuo ameaza con apoderárselle da vida toda. A meticulosidade do estilo de Stevenson acada nesta narración instantes de extraordinario poder de suxestión e dramatismo, creando algunhas das escenas máis terroríficas da literatura inglesa.

Dr. Jekyll e Mr. Hyde

Stevenson, Robert Louis

136Ver
12+